«Мың бала» жобасының жеңімпазы:

Ақтаудағы NIS оқушысы елордада марапатталды

22 қарашада елордада «Мың бала» республикалық мәдени-ағарту жобасының соңғы кезеңі өз мәресіне жетіп, қорытындысы шығарылды.

Шараға Маңғыстау облысы бойынша “Мың бала” республикалық мәдени-ағарту жобасының жеңімпазы - Ақтаудағы NIS-тің 9-сынып оқушысы Диана Боровикова қатысып, арнайы дипломмен, сыйлықтармен марапатталды.

Еліміздің барлық өңірлерінде лауреаттарды анықтау мақсатында шығармашылық байқаулар өтіп, маңғыстаулық Диана жоба аясында «Өнерлі өрге жүзер» номинация бойынша домбырамен күй тартып жеңімпаздар қатарынан көрінді.

Оқушының шығармашылық жеңісіне жетекшілік еткен Тажмагамбетова Гулсим Сейтхановнаның еңбегін ерекше атап өтеміз.