Crimson 18u18 жобасының жеңімпаздары

Ақтаудағы NIS оқушылары — Crimson 18u18 жобасының жеңімпаздары

Crimson 18u18 жобасы әлемнің ең үздік 18 жас таланттарын анықтайтын халықаралық алаң болып табылады. Биыл бұл байқауда мектебіміздің оқушылары Расул Абуов, Айсұлтан Бақтығали, Фариза Ғинулла, Камила Қуатова, Наргиза Нұрмұхан, Индира Дүйсембаева және Ұмай Сайын өздерінің инновациялық жобалары арқылы жеңімпаз атанды.

Фариза, Камила, Наргиза, Индира және Ұмай - Жаңа қауіпсіздік жүйесі

Қыздар командасы ResQ жобасын ұсынды — инновациялық қауіпсіздік жүйесін, ол жұмыс орындарындағы өрттер мен жарылыстарды болдырмауға, сондай-ақ газ ағып кетуін және жеке қорғаныс құралдарының (PPE) қолданылуын бақылауға мүмкіндік береді.

Жоба осыған дейін көптеген халықаралық байқауларда да жоғары нәтижелерге қол жеткізген, оның ішінде Caspian Startup 2024 және Google Hackathon “Build with AI for Sustainable Growth” сияқты байқаулар бар.

___

Расул Абуов пен Айсұлтан Бақтығали: Виртуалды шындық пен инновацияның жаңа көкжиегі

Расул мен Айсұлтанның жобасы виртуалды шындық (VR) технологиясын пайдаланып, жылжымайтын мүлік пен білім беру саласында жаңа мүмкіндіктер ашты. Потенциальды сатып алушылар VR-көзілдіріктер арқылы пәтердің интерьері мен бөлмелердің орналасуын көре алады. Олардың жобасы екі салада да үлкен өзгерістер мен жаңа мүмкіндіктер туғызып, 100 000 шаршы метрден астам аумақты цмфрландырып, бір ай ішінде 10 000 доллардан астам табыс әкелді. Сонымен қатар, 22 мектепте 20 000 оқушыға арналған пилоттық жоба іске қосылды. Бұл жоба TechCup 2022 байқауында 1-орын алды.