Мектебіміздің пікірсайысшылар клубы "BASTAU" дебат турнирінде жеңіске жетті

Әлихан Бөкейхан атындағы Университетте өткен дәстүрлі "BASTAU" дебат турнирінде мектебіміздің пікірсайысшылар клубы жеңіс тұғырынан көрінді.

Мектеп оқушылары арасындағы дәстүрлі дебат ойынына барлығы 40 команда тіркеліп, 28 фракция іріктеуден өткен. Оқушыларымыз Дана Айтқалиева мен Айсұлтан Мурзагазин ұтымды әрі жүйелі аргументтермен өз қарсыластарынан оза шауып, бас жүлде иеленді.

Сондай-ақ, шәкіртіміз Дана Айтқалиева «Үздік Спикер» номинациясына лайық деп танылды. Британдық парламенттік форматта ұйымдастырылған зияткерлік ойында білім ордамыздың 4 командасы өнер көрсеткен.

Соңғы кезде мектеп лигасындағы дебат қозғалысының жаңа дәрежеге көтерілуі айқын көрінеді. Облыс бойынша көптеген мектептер, клубтар белсенділік танытып, пікірсайыста ат салысуда. НЗМ Семей де солардың қатарына кіреді. Мектептің "Зияткер" дебат клубынан 4 фракция шеберлі ойын көрсетті. Жаһандану, саясат, мәдениет тақырыптарында қызықты резолюциялар кездесті, барлығы ұнады. Болашақта облыстағы пікірсайыс қозғалысының қарқынды дамуы жалғасады деген үміттемін, - дейді жеңімпаз зияткеріміз Айсұлтан.