🌱АУЫЛДЫҢ ТІРЕК МЕКТЕПТЕРІ МҰҒАЛІМДЕРІНІҢ ТӘЖІРИБЕ АЛМАСУЫ: ЖАҢА МҮМКІНДІКТЕР МЕН ЫНТЫМАҚТАСТЫҚ

🌱Бүгін Тараз қаласындағы Назарбаев Зияткерлік мектебінде “Ауылдық тірек мектептерінің әлеуетін дамыту” жобасы аясында ауылдық тірек мектептерінің ұстаздары бас қосты. Мойынқұм, Меркі, Байзақ, Жамбыл, Жуалы, Сарысу және Т.Рысқұлов аудандарының тірек мектеп мұғалімдеріне оқушының функционалдық сауаттылығын арттыру бойынша ашық сабақтар ұйымдастырылды. Сонымен қатар, сабақта оқушының дарындылығын дамыту мақсатында саралау тапсырмаларын әзірлеу, оқушының оқу сауаттылығын жетілдіру және іс-әрекеттегі зерттеу бойынша шеберлік сыныптар өткізіліп, ортақ зерттеулер тақырыптары анықталды.