Зияткерлер Шырмауық Лигасының мінберінде

Алматы қаласындағы химия-биология бағытындағы NIS-тің 9-сынып оқушылары Абдураимқызы Амаль, Жүсіпова Аруна, Наубетова Мадина “The World Scholar’s Cup” халықаралық жас ғалымдар байқауында 2 алтын, 10 күміс медалімен мараппатталып жүлдегер атанды.

Әлемнің 65 елінен мектеп бағдарламасымен шектелмей жан-жақты білім алуға ұмтылатын оқушыларды жинайтын жаhaндық академиялық сайыс АҚШ-тағы беделді Шырмауық Лигаға кіретін Йель университетінде өтті.
2007 жылдан бері өткізіліп келе жатқан дода академиялық жазу, шығармашылық және аналитикалық ойлауды бағалау, командалық интеллектуалдық викторина, пікірсайыс, сондай-ақ ғылым, өнер, музыка, тарих пен әдебиет салаларындағы эрудицияны тексеру кезеңдерін қамтиды.
Зияткерлер 2023 жылы Алматы қаласында өткен аймақтық кезеңнің, Дубай қаласында (БАЭ) өткен континенталдық турнирдың жеңімпазы атанып жаһандық ақтық кезеңге шақыру алды.

Амаль, Аруна және Мадинаны айтулы жетістіктерімен құттықтаймыз. Зияткерлер халықаралық аренада біздің өскелең ұрпақтың бәсекеге қабілетті екенін дәлелдегенін мақтанышпен айта аламыз.