Сізді мектебіміздің веб-парақшасында көргенімізге қуаныштымыз!

NIS – Халықаралық Мектептер Кеңесінің-CIS авторизациясы және халықаралық аккредитациясы бар оқу орны. Мұндай мәртебе біздің мектеп түлектеріне шетелдегі үздік университеттер мен колледждерге түсу кезінде артықшылықтарға ие болуға мүмкіндік береді. Оған дәлел, жыл сайын Алматы ФМБ NIS түлектерінің 98%-ы шетелдік және қазақстандық үздік жоғары оқу орындарына грантқа түседі.

Біздің миссиямыз-қазақстандық үздік дәстүрлер мен халықаралық тәжірибені біріктіретін мектеп білімінің инновациялық жүйесін әзірлеу және енгізу, сондай-ақ тәжірибені еліміздің орта білім беру жүйесіне тарату.

Мектебіміз 2015 жылдан бері Республика бойынша «Жаратылыстану-математикалық бағыттағы пәндер бойынша үздік олимпиадалық мектеп» статусына ие. Ал 2021 жылы Алматы ФМБ NIS жаратылыстану-математика және қоғамдық-гуманитарлық бағыттағы «Үздік олимпиадалық команда» атағына лайық деп танылды.

Оқушылардың ағылшын тілін игеру деңгейі өте жоғары. Мектеп бойынша Халықаралық IELTS емтиханының орташа балы – 7.2.