Жас математиктер Балқан олимпиадасында жүлделі болды

Қазақстанның ұлттық құрама командасына кірген алматылық физика-математика бағытындағы Назарбаев Зияткерлік мектебінің оқушылары Таир Сатубалдин мен Нұрасыл Әбдіразақ қашықтықтан өткен 38-ші математикадан Балқан олимпиадасына (ВМО-2021) қатысып, күміс және қола медаль жеңіп алды. Беделді Балқан олимпиадасы 2021 жылғы 6-10 қыркүйек аралығында өтті.

Додадан жүлделі оралған дарынды математиктерді олимпиадаға дайындаған Алматы ФМБ NIS математика мұғалімі Нұрсұлтан Хаджимұратов.

“Тапсырмалар қызықты болды, бірақ олимпиаданың қыркүйек айында және онлайн түрде өткені өкінішті. Бұрын осы дода барысында Еуропа елдерінде болып, IMO алдында өз күшіңді сынап көру мүмкіндігі болатын, биыл олай емес” ,- деді 12 сынып оқушысы Таир Сатубалдин.

Айта кету керек, командалық есеп бойынша Қазақстан 18 елдің арасында 6 орынға табан тіреді.

You may also like...