Мектебіміздің 11 “A” сынып оқушылары Манатаев Қасым мен Айбасов Даниал мектебімізде бизнес-клубын @businessclub.nis ашқан болатын.
Бизнес-клуб оқушыларға Қазақстанның жетекші кәсіпорындарына барып, ол салалардың жұмыс барысымен танысуға мүмкіндік жасап, мектеп өмірінде үлкен белсенділік танытып отырды. Кәсіпорындар қатарында:
Rahmet (интернет-коммерция агенттілігі), Capital Partners (жобалық компания) және Kinopark 11 (кинотеатр). Компания өкілдері өздерінің офистерін көрсетіп, жұмыс істеу принциптерімен таныстырды.
⠀
Бұдан бөлек, бизнес-клуб орта және ірі кәсіп иелерімен кездесулер өткізген болатын. Атап айтар болсақ:
Шынар Бүгімбаева (“Қағанат” желісінің құрушысы), Нурлан Манатаев (ht.kz турагенттігі директоры) және Аида Кауменова ( Aida KaumeNOVA брендінің директоры, бас дизайнері).
⠀
Қоса кететін жайт, бизнес-клуб Harvard Business School профессорлары дайындаған кейстерді меңгеру арқылы, оқушылардың бойындағы талдау қабілеттерін дамыта түседі және әр компанияға өз бетінше сараптама жасауға мүмкіндік береді.
⠀
Ескерте кететін жағдай, суреттерде оқушылардың әлемдік пандемия басталғанға дейінгі кездесулері. Карантиндік режим аяқталған соң да оқушыларымыз бұдан да жоғары деңгейдегі шараларды ұйымдастыратындығына сеніміміз зор.
Толық ақпарат: @businessclub.nis